![](https://www.reporter.al/wp-content/uploads/Aleksandar-Jablanovic-Una-Hajdari.jpg)
Një ish-ministër serb i Kosovës është paditur për nxitje “intolerance kombëtare, racore dhe fetare' – tre muaj pasi një valë protestash çuan në shkarkimin e tij.
Në zyrën e prokurorit në Gjakovë janë ngritur akuza kundër ish-ministrit Aleksandër Jabllanoviç, duke e akuzuar atë për nxitje “intolerance
![Ish-ministri për Komunitetet dhe të Rikthyerit Aleksandër Jabllanoviç. Foto: Una Hajdari.](https://www.reporter.al/wp-content/uploads/Aleksandar-Jablanovic-Una-Hajdari-300x225.jpg)
Aleksandër Jabllanoviç. Foto: Una Hajdari.
kombëtare, racore dhe fetare”, si edhe për “intolerancë”.
Jabllanoviç duhej të paraqitej për t'u marrë në pyetje nga prokurorët më 11 maj, por nuk u paraqit, sepse ishte me pushime, kështu që ai u urdhërua të paraqitet në gjykatë më 22 maj.
Ish-ministri tha se ai ishte një viktimë kanosjeje. “Këtë e shoh si një mënyrë presioni ndaj serbëve në Kosovë, e cila ka për qëllim të trembë dhe disiplinojë përfaqësuesit e tyre politikë,” tha Jabllanoviç.
“Ne nuk jemi fajtorë për asgjë dhe nuk kemi arsye për të vërtetuar pafajësinë tonë, dhe sidomos jo para prokurorisë në Gjakovë,” vazhdoi ai, duke e quajtur padinë një mënyrë për të larguar vëmendjen nga trajtimi i përgjithshëm që i bëhet serbëve në Kosovë.
Jabllanoviç ishte Ministër për Komunitetet dhe të Rikthyerit deri në çastin që një deklaratë që ai bëri në mbrëmjen e Krishtlindjes Ortodokse mbi protestuesit që nuk i kishin lejuar serbët të vizitonin një kishë ortodokse në Gjakovë shkaktoi zemërime.
Ministri i quajti protestuesit “të egër” se qëlluan me gurë autobusin që transportonte pelegrinët drejt kishës. Më vonë ai u detyrua të jepte dorëheqjen.
Driton Caushi, kreu i partisë nacionaliste Vetëvendosja në Gjakovë, e cila kryesoi protestat, tha se nëse Jabllanoviçi do të dënohej, kjo do të vendoste një precedent të rëndësishëm.
“Kjo është një mundësi e mirë për të vërtetuar se deklarata të tilla janë të papranueshme,” tha ai për BIRN.
Megjithatë, ai tha se çështja kishte gjasa të mos përfundonte me sukses për shkak të “natyrës së saj të lartë politike”.
“Sistemi ynë ligjor është i dobët kështu si është, jo më kur përfshihet edhe politika,” tha Caushi.
Deklarata e Jabllanoviçit më 6 janar shaktoi zemërim te shqiptarët e Kosovës dhe shkaktoi protesta në disa qytete të Kosovës.
Ministri kërkoi ndjesë për zgjedhjen e tij të fjalëve, por pakënaqësia ishte e madhe dhe një tubim i organizuar në kryeqytetin e Kosovës më 24 janar u konsiderua si protesta më e madhe e organizuar që kur vendi shpalli pavarësinë e tij nga Serbia në vitin 2008.
Një tjetër protestë e madhe pasoi më 27 janar dhe shënoi nivele të larta dhune midis policisë dhe protestuesve.
Më 3 shkurt, kryeministri Isa Mustafa lajmëroi se e shkarkonte Jabllanoviçin nga kabineti i tij.Që atëherë, vendin e tij e ka zënë Dalibor Jevtic.
Jabllanoviçi është anëtar i partisë “Srpska”, e krijuar para zgjedhjeve lokale në nëntor të vitit 2013 me qëllim për të nxjerrë kandidatë “në një platformë të mbështetur nga Beogradi”.
Vetëm ky fakt më vete ka rritur mosbesimin te partia dhe përfaqësuesit e saj midis shumicës shqiptare të Kosovës.