![](https://www.reporter.al/wp-content/uploads/Kurvelesh-policet-duke-asgjesuar-hashash.jpg)
Rreth 100 forca policie asgjësuan 10 plantacione hashashi në Kurvelesh të Tepelenës, në operacionin e dytë më të madh pas atij të javës së shkuar në Dukagjin të Shkodrës.
![Forcat e FNSH, duke asgjësuar parcelat me hashash në Kurvelesh. Foto:Policia e Shtetit](https://www.reporter.al/wp-content/uploads/Hashash-Kurvelesh-300x225.jpg)
Rreth 100 forca policie kanë zbarkuar mëngjesin e së martës në zonën e Kurveleshit në Tepelenë, në kuadër të një operacioni të gjerë antikanabis. Një zëdhënës i policisë i tha BIRN se deri në mesditë u asgjësuan 5580 bimë kanabis, të mbjella në 10 parcela të pashkëputura nga njëra-tjetra.
Operacioni i koduar “Kreshta” nisi në orën 7.00 të mëngjesit, por si në zonat e tjera të vendit, nuk ka pasur asnjë kultivues të arrestuar. Plantacionet e hashashit në Kurvelesh të Tepelenës ishin identifikuar më parë gjatë fotografimit ajror të helikopterëve të specializuar nga Italia.
Shqipëria qëndron prej vitesh në hartën e zezë të prodhimit të marijuanës, që synohet të trafikohet drejt vendeve të BE-së. Për këtë arsye, Policia e Shtetit ndërmori një operacion të gjerë për çrrënjosjen e fenomenit në vitit 2014, që kulmoi me ndërhyrjen në fshatin Lazarat të Gjirokastrës.
Por një vit më vonë, kanabisi vazhdon të kultivohet masivisht në Shqipëri. Para operacionit në Tepelenë, forcat e Ndërhyrjes së Shpejtë kanë asgjësuar mbi 33 mijë bimë në zonën e thellë të Dukagjinit, ndërsa dhjetra operacione më të vogla janë kryer nga jugu në veri.
![Kurvelesh plus](https://www.reporter.al/wp-content/uploads/Kurvelesh-plus-300x225.jpg)
Por numri i madh i plantacioneve të shkatërruara nuk është shoqëruar me arrestimin e kultivuesve të drogës. Për këtë, zyrtarë të policisë ia kanë vënë fajin metodës së hershme të përdorur nga kultivuesit e kanabisit, të cilët shfrytëzojnë toka pa pronarë në zona të thella malore.
Një tjetër element që e bën të vështirë identifikimin e kultivuesve të hashashit është zhvendosja e biznesit të tyre të kundraligjshëm nga plantacionet e mëdha tek parcelat e vogla dhe të shpërndara.
Policia shqiptare asistohet prej vitit 2012 nga Guardia di Financa italiane, e cila kryen monitorime periodike me avionë të posaçëm nga ajri. Të dhënat e përftuara i shërbejnë më pas policisë të kryejë operacione të koordinuara në tokë.
![Policë duke korrur hashashin e mbjellë në zonën e Kurveleshit.](https://www.reporter.al/wp-content/uploads/Kurvelesh-policet-duke-asgjesuar-hashash-600x338.jpg)
![Forcat e FNSH, duke asgjësuar parcelat me hashash në Kurvelesh. Foto:Policia e Shtetit](https://www.reporter.al/wp-content/uploads/Kanabis-Tepelene-3-600x360.jpg)
![Forcat e FNSH, duke asgjësuar parcelat me hashash në Kurvelesh. Foto:Policia e Shtetit](https://www.reporter.al/wp-content/uploads/Kanabis-Tepelene-4-600x360.jpg)
![Forcat e FNSH, duke asgjësuar parcelat me hashash në Kurvelesh. Foto:Policia e Shtetit](https://www.reporter.al/wp-content/uploads/Kanabis-Tepelene-5-600x360.jpg)
![Forcat e FNSH, duke asgjësuar parcelat me hashash në Kurvelesh. Foto:Policia e Shtetit](https://www.reporter.al/wp-content/uploads/Kanabis-Tepelene-6-600x360.jpg)
![Forcat e FNSH, duke asgjësuar parcelat me hashash në Kurvelesh. Foto:Policia e Shtetit](https://www.reporter.al/wp-content/uploads/Kanabis-Tepelene-7-600x360.jpg)