![](https://www.reporter.al/wp-content/uploads/Protesta-maqedoni.jpg)
Policia maqedonase arrestoi dymbëdhjetë protestues, ndërsa një gazetar u plagos gjatë protestave të mbrëmjes së të mërkurës në Shkup, të cilat u shkaktuan nga një vendim kontrovers i presidentit të vendit për të dhënë falje presidenciale ndaj politikanëve të akuzuar për korrupsion dhe manipulim zgjedhjesh.
![Foto: Boris Grdanoski/AP](https://www.reporter.al/wp-content/uploads/Protesta-maqedoni-600x360.jpg)
Policia në Shkup njoftoi se pati arrestuar dymbëdhjetë protestues të mërkurën në mbrëme pasi një grup njerëzish sulmoi zyrën e presidentit të vendit 0Gjorge Ivanov në qendër të Shkupit duke shkaktuar dëme materjale.
Ndërkohë, gazetari Goran Naumovski, i publikimit në internet Plusinfo u plagos gjatë përleshjeve.
Protesta fillimisht filloi në mbrëmje para zyrës së Prokurorisë së Posaçme, e cila ka për detyrë të hetojë krimin e nivelit të lartë. Organizatorët krysorë qenë kundështarë të qeverisë, por mitingu mbështetej gjithashtu edhe nga partitë e opozitës.
Më vonë gjatë mbrëmjes, protestuesit ikën drejt zyrës së presidentit, të cilën e goditën me vezë dhe me fishekzjarrë. Ato lëvizën më pasj drejt ndërtesës së parlamentit ku u ndaluan nga policia.
Në të njëjtën kohë, një kundëprotestë e mbështetësve të qeverisë u zhvillua vetëm pak qindra metra larg. Të dy grupet u ndanë nga kordonë të policisë.
Shkatërrimi i zyrës së presidentit ndodhi pas kthimit të grupit të protestuesve nga nga ndërtesa e parlamentit. Një pjesë e protestuesve hynë te zyra e presidentit duke shkatërruar mjediset e brendshme ndërsa të tjerë bërtistin: “Dorëheqje!”
“Nëse ata [partitë në pushtet] bllokojnë Prokurorinë Speciale, unë do t’i bëj thirrje njerëzve ta marrin drejtësinë vetë në duar,” deklaroi udhëheqësi i opozitës socialdemorkate (SDSM) Zoran Zaev në televizionin Telma në mbrëmje, duke shkaktuar reagim nga partia në pushtet VMRO DPMNE.
“Hordhitë e SDMS-së filluan sot zbatimin e një skenari kriminal, të cilin Zoran Zaev e ka shpallur në televizion,” tha VMRO DPMNE në një njoftim për shtyp pas incidenteve.
Presidenti i Maqedonisë Gjorge Ivanov shkaktoi zemërim të martën kur ai papritur ofroi falje presidenciale për të gjithë politikanët që përballen me akuza dhe hetime – duke bllokuar punën e Prokurorisë Speciale, e cila është ngarkuar me detyrën e hetimit të skandalit të përgjimeve dhe krimeve të tjera.
Opozita ka njoftuar protesta të tjera.
![Foto: Boris Grdanoski/AP](https://www.reporter.al/wp-content/uploads/Protesta-maqedoni5-600x360.jpg)
![Foto: Boris Grdanoski/AP](https://www.reporter.al/wp-content/uploads/Protesta-maqedoni1-600x360.jpg)
![Foto: Boris Grdanoski/AP](https://www.reporter.al/wp-content/uploads/Protesta-maqedoni2-600x360.jpg)
![Foto: Boris Grdanoski/AP](https://www.reporter.al/wp-content/uploads/Protesta-maqedoni3-600x360.jpg)
![Foto: Boris Grdanoski/AP](https://www.reporter.al/wp-content/uploads/Protesta-maqedoni4-600x360.jpg)