![](https://www.reporter.al/wp-content/uploads/Dana-Rohrabacher-660x330.jpg)
Politikanët në Ballkan kritikuan kongresmenin republikan Dana Rohrabacher pasi ky sugjeroi se Serbia dhe Kosova duhet të shkëmbejnë territoret dhe pasi tha se Maqedonia nuk ishte shtet.
![Dana Rohrabacher. Foto: rohrabacher.house.gov](https://www.reporter.al/wp-content/uploads/Dana-Rohrabacher-660x330-600x301.jpg)
Politikanët në rajon e kanë kritikuar kongresmenin Dana Rohrabacher, që është gjithashtu kryetar i Nënkomitetit të Çështjeve me Jashtë për Europën, Euroazinë dhe Kërcënimet në Zhvillim, ku disa sugjerojnë se ai mund të dëmtojë stabilitetin rajonal.
Rohrabacher i tha televizionit shqiptar Vizion Plus se Maqedonia nuk ishte shtet dhe se territori i saj duhet ndarë mes Kosovës dhe Bullgarisë.
Disa ditë më parë, Rohrabacher gjithashtu i dërgoi një letër presidentit serb Tomislav Nikoliç duke i propozuar që pjesët kryesisht shqiptare të Serbisë së jugut të shkëmbehen me pjesën e populluar nga serbët në Kosovën veriore.
Ministria e jashtme maqedonase tha se Departamenti Amerikan i Shtetit nuk e mbështeste pretendimin e Rohrabacher që Maqedonia nuk është një vend dhe se territori i saj duhej ndarë mes Shqipërisë dhe Bullgarisë.
“Ne besojmë Departamenti i Shtetit do të largojë çdo dilemë në lidhje me pretendimet e hedhura dhe se do të konfirmojë politikën e vet ndaj Maqedonisë dhe Ballkanit,” tha ministri i jashtëm në një deklaratë të martën.
Qeveria bullgare nuk ka reaguar zyrtarisht ndaj pretendimit të dispel që Maqedonia duhet ndarë.
“Bullgaria ka një pozicion parimor dhe konsistent për integrimin europian dhe euro-atlantik të të gjitha vendeve nga Ballkani Perëndimor,” tha ministria e jashtme Bullgare për agjencinë e lajmeve BGNES kur u pyet për koment në lidhje me deklaratën e kongresmenit.
Ndërsa Bullgaria mban zakonisht marrëdhënie pozitive me Serbinë dhe Maqedoninë, leximi i ndryshëm i historisë shpesh shkakton përplasje.
Bullgaria ishte i pari vend që njohu Maqedoninë kur shpalli pavarësinë nga Jugosllavia në 1991.
Por Sofja nuk e njeh ekzistencën e një gjuhe maqedonase të ndarë nga bullgarishtja dhe shumë historianë bullgarë ende thonë se maqedonasit janë bullgarë etnikë.
E ashtuquajtura çështja maqedonase është një pjesë integrale e çështjes kombëtare bullgare, ku shumë besojnë se Bullgaria duhet “të rikthejë” territoret e Maqedonisë që kontrollonte në të shkuarën.
Partia nacionaliste bullgare VMRO nuk komentoi mbi deklaratën e kongresmenit amerikan, por e postoi atë në faqen e saj në Facebook ku mori qindra reagime miratuese për sugjerimin e Rohrabacher.
Kryeministri serb Aleksandër Vuçiç të hënën ritheksoi se kushtetuta e vendit të tij thotë se e gjithë ish-provinca e Kosovës është territor serb.
Kosova e shpalli pavarësinë nga Serbia në 2008, por Beogradi refuzon ta njohë sovranitetin e saj.
Vuçiç akuzoi Rohrabacher se është i lidhur me atë që ai e përshkroi si “një lob shqiptar”.
Rohrabacher në të shkuarën foli pozitivisht rreth Ushtrisë Çlirimtare të Kosovës, duke thënë “në vitet e Clinton, kosovarët e armatosur më shumë se trupat e NATO-s i nxitën forcat serbe të heqin dorë nga shtypja gjenocidale”.
Propozimi i Rohrabacher për shkëmbim territoresh u hodh gjithashtu poshtë nga kryekomunari i qytetit serb të dominuar nga shqiptarët në Preshevë, Shqiprim Arifi, i cili tha se minonte stabilitetin rajonal dhe se dilte kundër politikës së Bashkimit Europian.
Megjithatë kjo mund të mos e trazojë Rohrabacher pasi ai ka bërë thirrje për shpërbërjen e BE-së, duke pretenduar se ajo ushtron “kontroll të centralizuar dhe të jashtëzakonshëm mbi jetët e njerëzve”.
Rohrabacher është një lloj politikani kontrovers në SHBA.
Uebsajti Politico sugjeroi në një artikull në nëntor se ai është “kongresmeni i preferuar i Putin”, meqë kërkon marrëdhënie më të mira me Kremlinin për të njëjtat arsye si presidenti amerikan Donald Trump.