![](https://www.reporter.al/wp-content/uploads/20180720_104242_200718001-1_1ztvGu6.jpg)
Gjytarja e Gjykatës së Apelit Shkodër Marina Rraboshta u dorëhoq disa muaj pas fillimit të procesit të rivlerësimit.
![](https://www.reporter.al/wp-content/uploads/20180720_104242_200718001-1_1ztvGu6-600x387.jpg)
Komisioni i Pavarur i Kualifikimit vendosi përfundimin e procesit të rivlerësimit për gjyqtaren Marina Rraboshta, ndërsa njoftoi se kjo e fundit ishte dorëhequr dhe se ishte vendosur ndaj saj ndalimi 15-vjeçar për të qenë pjesë e organeve të drejtësisë.
Rraboshta që u kontaktua nga BIRN në janar, pasi lajmi i dorëheqjes së saj u njoftua në media, tha se nuk përballonte më ngarkesën e punës dhe kishte probleme të shëndetit. Ajo shtoi si arsye edhe trasferimet e shumta për çështje nga një gjykatë në një tjetër.
Ndërkohë në vendimin e KPK del që Rraboshta nuk ka pritur përfundimin e hetimit. Sipas vendimit ajo është hetuar nga një trupë gjykuese e kryesuar nga Lulzim Hamitaj, me anëtarë Genta Tafa (Bungo) dhe Suela Zhegu, por 8 muaj pas fillimit të procesit njoftoi Komisionin se ishte dorëhequr.
Dorëheqja u konfirmua nga Këshilli i Lartë Gjyqësorë, ndërsa vendimi që i ndalon Rraboshtës përfshirjen në institucionet e drejtësisë mori formë të prerë në fund të shkurtit.