![](https://www.reporter.al/wp-content/uploads/2023/04/Njesia-policore-Shqiponjat-ne-nje-vend-ngjarje-ne-Durres.-Foto-Geri-Emiri--scaled.jpg)
Policia njoftoi se ngjarja ndodhi rreth orës 14:00, teksa automjeti po drejtohej nga 37 vjeçari Aldi Mustafa. “Nga shpërthimi i lëndës eksplozive nuk ka persona të dëmtuar, por vetëm dëme materiale”, njoftoi policia për mediat.
Lënda shpërthyese ishte montuar në gomën e pasme të krahut të pasagjerit, e cila dyshohet të jetë aktivizuar përmes telekomandës. Sipas burimeve policore, dyshohet se shpërthimi ka qenë një mesazh për 37 vjeçarin.
Mustafa banon në Durrës dhe rezulton i dënuar më parë për veprat penale “kanosje” dhe “prodhim dhe shitje e narkotikëve”, për të cilat është ndaluar në Gjermani dhe ka qëndruar 10 vite i burgosur.
Për herë të fundit ai u ndalua nga Policia e Durrësit më 30 gusht 2021, teksa në automjetin që po udhëtonte u gjetën 3 pistoleta gati për qitje, 1 mitraloz me fishekë, po ashtu municion luftarak, 2 laptopë, 9 telefona celularë dhe 1600 euro.
Ai po udhëtonte së bashku Uran Zykën dhe Tahir Gjinikën, të cilët tentuan t'i largoheshin policisë duke i goditur me automjet dhe pas pak minutash mundën të ndaloheshin. Ata u akuzuan më pas për “Armëmbajtje pa leje”. Policia dyshoi në atë kohë se 37 vjeçari Mustafa kishte njohje me grupet kriminale në zonën e Durrësit dhe të Sukthit.