![](https://www.reporter.al/wp-content/uploads/samiti-balkans-6.jpg)
Një konferencë rajonale e ministrave nga gjashtë shtete ballkanike u hap në Prishtinë të mërkurën – ku Serbia mori pjesë për herë të parë.
![Ministri i jashtëm i Kosovës, Komisioneri Hahn dhe ministri i jashtëm serb, Daçiç në Samitin Ballkani Perëndimor 6. Foto: Beta](https://www.reporter.al/wp-content/uploads/samiti-balkans-6-300x214.jpg)
Një konferencë ministrore rajonale e hapur në Kosovë të mërkurën, bashkoi ministrat e jashtëm dhe të infrastrukturës së Shqipërisë, Bosnjes, Kosovës, Malit të Zi dhe Serbisë.
Së bashku me vendimmarrësit rajonalë, do të marrin pjesë përmes videokonferencës edhe Johannes Hahn , Komisioneri i BE për Politikat e Fqinjësisë Europiane dhe Negociatat e Zgjerimit, si dhe Violeta Bulc, Komisionerja Europiane pë Transportin.
Ivica Daciç dhe Zorana Mihajloviç, ministrat serb të jashtëm dhe të infrastrukturës, do të marrin pjesë pa simbole shtetërore – në respektim të faktit se Serbia nuk e njeh pavarësinë e shtetit të Kosovës. Gjithashtu në konferencë nuk do të ketë simbole shtetërore të Kosovës.
Kjo formulë u miratua në 2012 për t'i dhënë mundësinë Kosovës të presë ose të marrë pjesë në takime rajonale pa provokuar një bojkot ose largim serb.
Samiti i të mërkurës ishte hera e parë që një delegacion serb mori pjesë në një event të tillë në kryeqytetin e Kosovës.
Konferenca “Ballkani Perëndimor 6” do t'i dedikohet projekteve rajonale, me një theks në investimet e infrastrukturës.
Ajo pasohet prej Konferencës së Shteteve të Ballkanit Perëndimor, që Kancelarja Gjermane Angela Merkel mbajti në Berlin në gushtin e shkuar me synimin e promovimit të bashkëpunimit ekonomik.
Pas konferencës së Berlinit, ministrat rajonalë u zotuan të punojnë së bashku mbi çështjet ekonomike që shqetësojnë rajonin.