![](https://www.reporter.al/wp-content/uploads/Spitali-infektiv-ne-Tirane.gif)
Shqipëria shënoi një rekord të ri të zymtë të hënën me shtatëmbëdhjetë shqiptarë të vdekur nga pandemia.
![](https://www.reporter.al/wp-content/uploads/Spitali-infektiv-ne-Tirane-583x400.gif)
Shqipëria shënoi ditën me numrin më të lartë të viktimave të pandemisë së koronavirusit të ri të hënën, kur 17 persona, më i riu nga të cilët ishte vetëm 37 vjeç, humbën jetën në të tre spitalet e caktuara për trajtimin e kësaj sëmundjeje. Rekordi i mëparshëm sa i përket numrit të vdekjeve u shënua më 20 nëntor me pesëmbëdhjetë viktima.
Ministria e Shëndetësisë bëri të ditur se viktimat e ditës së hënë janë nga Durrësi, Tirana, Fieri, Korça, Skrapari, Kuçova, Gramshi, Lezha, Dibra e Kavaja. Deri më sot pandemia i ka marrë jetën 716 personave, sipas shifrave zyrtare.
Gjatë së hënës hetimi epidemiologjik shtetëror dhe laboratorët privatë të analizave identifikuan edhe 795 persona të tjerë bartës të virusit, duke e bërë të hënën ditën me numrin më të lartë të vdekjeve dhe ditën me numrin e dytë më të lartë të infektimeve të reja.
Qarku i Tiranës ka aktualisht prevalencën më të lartë me gati 1 në njëmijë banorë aktualisht të sëmurë me COVID-19.