Gjyqtari Sokol Pina kalon me sukses vetingun

Lajme
Komisioni i Pavarur i Kualifikimit vendosi unanimisht të konfirmojë në detyrë gjyqtarin e Sarandës, Sokol Pina.

Sokol Pina pas konfirmimit në detyrë në Tiranë më 27 prill 2021. Foto: BIRN

Komisioni i Pavarur i Kualifikimit, KPK shpalli të martën vendimin për konfirmimin në detyrë të gjyqtarit të Gjykatës së Rrethit Gjyqësor Sarandë, Sokol Pina.

Gjatë seancës dëgjimore të zhvilluar të premten më 23 prill, nuk u evidentuan probleme në asnjë prej kritereve të rivlerësimit.

Trupa gjyqësore që kreu procesin e rivlerësimit për gjyqtarin Pina kryesohej nga Firdes Shuli, me relator Lulzim Hamitajn dhe anëtar Roland Ilian.

Sokol Pina përfundoi studimet në Shkollën e Magjistraturës në vitin 2014 dhe punoi fillimisht si gjyqtar në Gjykatën e Tiranës. Prej vitit 2015, ai e ka ushtruar funksionin në Gjykatën e Rrethit Sarandë, ndërkohë që në nëntor të vitit 2020 është deleguar në Apelin e Gjirokastrës.

Gjergj Erebara
Gjergj Erebara është gazetar për BIRN në Tiranë. Ai ka mbaruar studimet për gazetari në Universitetin e Tiranës dhe ka master shkencor (MSC) për Histori Ekonomike nga Universiteti i Lundit. I specializuar për gazetari ekonomike. Erebara ka punuar që nga viti 1998 në disa media të shkruara dhe vizive Shqiptare, si gazetar, redaktor dhe kryeredaktor.