KPK shkarkon nga detyra prokuroren Rita Gjati

Lajme
Në mungesë të subjektit, Komisioni i Pavarur i Kualifikimit shpalli të premten shkarkimin nga detyra të prokurores së Kukësit Rita Gjati.

Prokurorja e Kukësit, Rita Gjati në KPK. Foto: LSA

Gjati u shpall e shkarkuar pas një seance dëgjimore të premten, të cilën e braktisi pasi kërkesa e avokatit të saj për shtyrje nuk u mor parasysh. Relatimi gjatë seancës dëgjimore zbuloi probleme me të tre kriteret e rivlerësimit, atë të pasurisë, pastërtisë së figurës dhe profesionalizmit.

Trupa gjykuese për Gjatin përbëhej nga Alma Faskaj, Lulzim Hamitaj dhe Genta Tafa Bungo.

Lexo më shumë:

Tension dhe melodramë në seancën e prokurores Rita Gjati në KPK

Gjergj Erebara
Gjergj Erebara është gazetar për BIRN në Tiranë. Ai ka mbaruar studimet për gazetari në Universitetin e Tiranës dhe ka master shkencor (MSC) për Histori Ekonomike nga Universiteti i Lundit. I specializuar për gazetari ekonomike. Erebara ka punuar që nga viti 1998 në disa media të shkruara dhe vizive Shqiptare, si gazetar, redaktor dhe kryeredaktor.