![\"\"](\"https:\/\/www.reporter.al\/wp-content\/uploads\/Zaganjori-KPA-537x400.jpg\")
Kolegji i Posa\u00e7\u00ebm i Apelimit duke pranuar t\u00eb gjitha pikat e ankimit t\u00eb Komisionerit Publik rr\u00ebzoi t\u00eb premten vendimin e Komisionit t\u00eb Pavarur t\u00eb Kualifikimit p\u00ebr tani ish-kreun e Gjykat\u00ebs s\u00eb Lart\u00eb Xhezair Zaganjori.<\/p>\n
Gjat\u00eb leximit t\u00eb dispozitivit kryesuesja e trup\u00ebs q\u00eb shqyrtoi \u00e7\u00ebshtjen, vuri n\u00eb dukje se vendimi ishte bazuar n\u00eb vendimarrjen e m\u00ebparshme t\u00eb KPA, duke b\u00ebr\u00eb t\u00eb qart\u00eb se Kolegji nuk do t\u00eb pranonte si burim pasurie t\u00eb ardhura p\u00ebr t\u00eb cilat nuk provohej se ishin paguar tatimet.<\/p>\n
Trupa e kryesuar nga Albana Shtylla me relatore Rezarta Schuetz dhe an\u00ebtar\u00eb Sokol \u00c7omo, Natasha Mulaj dhe Luan Daci vendosi \u201cndryshimin e vendimit t\u00eb Komisionit t\u00eb Pavarur t\u00eb Kualifikimit dhe shkarkimin nga detyra t\u00eb Xhezair Zaganjorit\u201d.<\/p>\n
Zaganjori, deri tani kryetar i Gjykat\u00ebs s\u00eb Lart\u00eb, u konfirmua m\u00eb 24 korrik 2018 n\u00eb nj\u00eb vendim kontravers t\u00eb Komisionit t\u00eb Pavarur t\u00eb Kualifikimit, nga nj\u00eb treshe e kryesuar prej Olsi Komici dhe me an\u00ebtar\u00eb Roland Ilia dhe Pamela Qirko.<\/p>\n
Vendimi i KPK q\u00eb u kund\u00ebrshtua nga Operacioni Nd\u00ebrkomb\u00ebtar i Monitorimit dhe u apelua m\u00eb pas nga Komisioneri Publik, justifikoi disa veprime t\u00eb Zaganjorit duke p\u00ebrdorur arsyetime kontradiktore t\u00eb tipit \u201cevazion tatimor t\u00eb ligjsh\u00ebm\u201d apo \u201cshfryt\u00ebzim boshll\u00ebqesh ligjore\u201d.<\/p>\n
Komisioneri Publik i cili k\u00ebrkoi shkarkimin e Zaganjorit k\u00ebmb\u00ebnguli se k\u00ebto arsyetime t\u00eb KPK nuk q\u00ebndronin dhe kreu i Gjykat\u00ebs s\u00eb Lart\u00eb kishte b\u00ebr\u00eb shkelje t\u00eb ligjit. KPA n\u00eb nj\u00eb p\u00ebrmbledhje t\u00eb vendimit t\u00eb saj b\u00ebn me dije se gjeti t\u00eb provuara pretendimet e Komisionerit.<\/p>\n
Kolegji renditi disa pasuri t\u00eb Zaganjorit dhe arsyetoi se p\u00ebr to ai kishte b\u00ebr\u00eb \u201cdeklarim t\u00eb pasakt\u00eb, deklarim t\u00eb pamjaftuesh\u00ebm dhe kishte munges\u00eb burimesh ligjore\u201d. N\u00eb vendim KPA tha se Zaganjori nuk kishte arritur t\u00eb binde se kishte pasur burime t\u00eb ligjshme.<\/p>\n
Kolegji gjeti nd\u00ebr t\u00eb tjera pasak\u00ebtsi n\u00eb deklarime p\u00ebrfshi ato p\u00ebr llogari t\u00eb vetingut. Sipas KPA deklarimi i p\u00ebrdorimit p\u00ebr blerje apartamenti i nj\u00eb shum\u00eb prej 16 mij\u00eb dollar\u00ebsh, e cila n\u00eb fakt nuk ishte l\u00ebvizur nga banka, ishte nj\u00eb nd\u00ebr deklarimet e pasakta t\u00eb Zaganjorit.<\/p>\n
Zaganjori, nj\u00eb ish-pedagog dhe diplomat me karrier\u00eb 40-vje\u00e7are, u zgjodh an\u00ebtar i Gjykat\u00ebs Kushtetuese n\u00eb vitin 2003 dhe an\u00ebtar i Gjykat\u00ebs s\u00eb Lart\u00eb n\u00eb vitin 2013. \u00a0Ai ishte gjyqtari i fundit i Gjykat\u00ebs s\u00eb Lart\u00eb dhe Gjykat\u00ebs Kushtetuese \u2013 dy institucione q\u00eb jan\u00eb asgjesuar nga shkarkimet e vetingut dhe dor\u00ebheqjet, p\u00ebr t\u00eb cilin procesi nuk kishte p\u00ebrfunduar ende.<\/p>\n
N\u00eb seanc\u00ebn e mbajtur t\u00eb premten n\u00eb Kolegjin e Posa\u00e7\u00ebm t\u00eb Apelimit ishin prezent dy p\u00ebrfaq\u00ebsues t\u00eb Operacionit Nd\u00ebrkomb\u00ebtar t\u00eb Monitorimit, Mia Roessingh-Bakels dhe Theo Jacobs.<\/p>\n
Gjat\u00eb parashtrimeve t\u00eb tij Zaganjori, u mbrojt duke k\u00ebrkuar q\u00eb interpretimi i ligjit p\u00ebr sa i p\u00ebrket kriterit t\u00eb pasuris\u00eb t\u00eb bazohej n\u00eb Komentarin mbi Reform\u00ebn Kushtetuese n\u00eb Sistemin e Drejt\u00ebsis\u00eb \u2013 nj\u00eb botim i publikuar nga Instituti p\u00ebr Studime Publike dhe Ligjore dhe i financuar nga Fondacioni p\u00ebr Shoq\u00ebrin\u00eb e Hapur n\u00eb Shqip\u00ebri, duke i k\u00ebrkuar Kolegji q\u00eb t\u00eb mos c\u00ebnonte vendimin e KPK-s\u00eb p\u00ebr ta konfirmuar n\u00eb detyr\u00eb.<\/p>\n
Lexo m\u00eb shum\u00eb:<\/p>\n
Skeda e pasuris\u00eb s\u00eb deklaruar-Xhezair Zaganjori-kryetar i Gjykat\u00ebs s\u00eb Lart\u00eb<\/a><\/p>\n Karriera e kryetarit t\u00eb Gjykat\u00ebs s\u00eb Lart\u00eb plasaritet nga problemet me pasurin\u00eb<\/a><\/p>\n Xhezair Zaganjori konfirmohet n\u00eb detyr\u00eb<\/a><\/p>\n ONM kund\u00ebr konfirmimit t\u00eb Zaganjorit, k\u00ebrkon rihapjen e vetingut n\u00eb Apel<\/a><\/p>\n