Nga të ardhurat e pataksuara të bashkëshortit deri te raportimet e Drejtorisë së Pastrimit të Parave; Komisioneri Publik argumenton se konfirmimi në detyrë i shefes së Krimeve të Rënda bie ndesh me vendimin e Kolegjit për Bashkim Dedjen apo rekomandimin e ONM-së për Xhezair Zaganjorin.
Vendimet e trupave të vetingut për t’i mbyllur hetimet vetëm mbi kriterin e pasurisë mënjanuan nga shqyrtimi gjyqësor një duzinë raportimesh për korrupsion dhe lidhje me krimin e organizuar-praktikë kjo e kritikuar nga ekspertët e reformës në drejtësi.
Prokurori Artan Bajrami u shkarkua nga detyra pas një karriere 35 vjeçare me argumentin e deklarimit të rremë dhe të pasaktë të burimeve për blerjen e një apartamenti në Tiranë si dhe mosdeklarimin e dhurimeve prej 2.2 milionë lekësh në total nga baxhanaku i tij biznesmen.
Komisioni i Pavarur i Kualifikimit renditi një listë të gjatë problemesh me pasurinë e kryetarit të pezulluar të Gjykatës së Apelit të Durrësit, Petrit Çeno, ndërkohë që përfaqësuesit e tij u mbrojtën me precedentin “Prela”.
Hysni Demiraj u përball me probleme të pasurisë, të vendimeve gjyqësore dhe një seri denoncimesh nga një gjyqtar i Apelit, ndërsa replikoi me vëzhguesin e ONM-së për etikën dhe një borxh prej 5 milionë lekësh, marrë nga një biznesmen. Demiraj tha se nuk ka shitur drejtësi dhe nuk ka futur duart në xhepat e shqiptarëve. […]
Pas ONM-së, edhe Komisioneri Publik kritikon vendimin e konfirmimit në detyrë të prokurorit Besnik Cani, pavarësisht problemeve të shumta me pasurinë, aftësitë profesionale dhe shkeljen e etikës.
