Ekspertët të drejtësisë thanë se institucionet e vetingut kishin “çeduar në disa standarde të procesit të rregullt”, duke e bërë vendimmarrjen të cenueshme në GJEDNJ. Ndërkohë në një raport të KShH-së u theksua ndër gjetjet se KPK kishte përdorur arsyetime të ndryshme për çështje të ngjashme.
Prokurori i Elbasanit Besnik Cani u konfirmua nga Komisioni i Pavarur i Kualifikimit pavarësisht pikëpyetjeve të ngritura mbi pasurinë dhe integritetin profesional. Komisioni referoi një çështje penale si dhe një marrëdhënie financiare private “te organet kompetente” për hetime të mëtejshme.
Gjyqtari i Apelit të Shkodrës Luan Dervishi u shkarkua nga Komisioni i Pavarur i Kualifikimit, i cili e gjeti atë me probleme të justifikimit të pasurisë dhe pastërtisë së figurës. Dervishi kandidonte për një vend në Gjykatën Kushtetuese dhe KLGJ.
Prokurori i Prokurorisë së Përgjithshme Artur Selmani u shkarkua nga Komisioni i Pavarur i Kualifikimit. Në seancë dëgjimore KPK vuri në dyshim integritetin, profesionalizmin dhe burimin e pasurive të tij.
Komisioni i Pavarur i Kualifikimit konfirmoi në detyrë këshilltaren ligjore, kandidate për në Gjykatë Kushtetuese Fiona Papajorgji. Ajo është kandidatja e dytë për anëtare në këtë gjykatë që konfirmohet në detyrë.
Luan Dervishi, kandidat për Gjykatën Kushtetuese dhe Këshillin e Lartë Gjyqësor u akuzua se nuk kishte burime financiare për pasurinë dhe shkollimin e vajzës në SHBA, si dhe u hodhën dyshime për përfshirje në korrupsion nga DSIK. Dervishi kundërshtoi analizën financiare dhe raportin e DSIK dhe kërkoi t’a njihnin së paku me “emrin e kontaktit […]
