Vëzhguesit ndërkombëtarë arsyetojnë se Jella duhej të ishte shkarkuar për vonim të arrestimit të drejtuesit të ASHK-së së Durrësit dhe moshetimin e një gjyqtareje. KPK i referoi çështjet e ngritura nga ONM për procedim disiplinor, por arsyetoi në favor të konfirmimit të drejtueses së Prokurorisë së Durrësit.
Kolegji i Posaçëm i Apelimit rrëzoi pretendimet e ish-gjyqtarit Fatos Qato mbi analizat financiare të Komisionit të Pavarur të Kualifikimit, ndërsa gjeti qëndrimet e tij kontradiktore.
Komisioni i Pavarur i Kualifikimit konstatoi mungesë burimesh të ligjshme për blerjen e një apartamenti në Berat dhe një makine, duke vendosur shkarkimin nga detyra të gjyqtares së Gjykatës Administrative të Durrësit, Marjana Velçani.
Shumica në KPA pranoi tërheqjen e ankimit nga anëtarja e Gjykatës Kushtetuese, Marsida Xhaferllari si akt dhe pushoi çështjen, por dy anëtare në pakicë kërkuan që veprimi të cilësohej si dorëheqje me efekt ndalimin për 15 vjet të punësimit në organet e drejtësisë.
Gjyqtari i Apelit të Shkodrës, Astrit Kalaja u konfirmua në detyrë pasi dy anëtarë të trupës gjykuese i justifikuan mosdeklarimet e gjendjeve në cash si pasaktësi dhe një hua prej 3.3 milionë lekësh si “veprim juridiko-bankar të veçantë”. Në pakicë, Bekteshi votoi pro shkarkimit.
Komisioni vlerësoi se gjyqtari i apelit të Durrësit ka kryer shitje fiktive të një apartamenti te vjerra e tij me synimin e justifikimit të parave për blerjen e një makine luksoze. Ai gjithashtu u penalizua edhe nga fakti se nuk ishte tërhequr nga pozicioni i relatorit në një proces gjyqësor me palë një kompani ndërtimi […]
