Komisioneri Publik Florian Ballhysa kërkoi nga Kolegji i Posaçëm i Apelimit hetim më të detajuar të pasurisë së anëtarit të Gjykatës së Lartë Edmond Islamaj, duke deklaruar se e kishte gjetur të mangët dhe të paplotë hetimin e Komisionit të Pavarur të Kualifikimit i cili e konfirmoi gjykatësin në detyrë.
Gjykatësja e Kurbinit Marçela Shehu u konfirmua në detyrë nga Komisioni i Pavarur i Kualifikimit, por Shehut iu desh të gërmonte në të shkuarën e saj për të provuar edhe shuma jo të mëdha të ardhurash për të kaluar testin e vetingut.
Komisioni i Pavarur i Kualifikimit ktheu përmbys mbrojtjen e gjyqtarit të Apelit Durrës, Besim Trezhnjeva, ndërsa vendosi ta shkarkonte atë për fshehje pasurie e cënim të besimit, duke përdorur në disa momente nga vetëdeklarimet e tij për fiktivitet të një kredie apo pretendimin e të ardhurave të padeklaruara më parë.
Shumica e anëtarëve të KPK-së e arsyetoi shkarkimin e gjyqtares së Gjykatës Kushtetuese Altina Xhoxhaj me konfliktin e interesit në shqyrtimin e një çështje palët e të cilës ishin gjykuar më herët nga babai i saj në Apel dhe deklarim të rremë dhe fshehje të pasurisë. Pakica pranoi disa nga problemet e gjetura por theksoi […]
KPK ka qenë e ndarë në vendimin për shkarkimin e anëtarit të Gjykatës Kushtetuese, Fatmir Hoxhës. Dy nga gjyqtarët vlerësuan se ai duhej të shkarkohej “për deklarim të pamjaftueshëm të pasurisë”, një prej tyre thotë se ai duhej të rikonfirmohej.
Një studim i BIRN mbi deklaratat e pasurisë së 333 prokurorëve të të gjitha shkallëve në Shqipëri zbulon se zyrtarët e akuzës nuk justifikojnë rreth 1.3 miliardë lekë në total, ndërkohë që mbajnë jashtë sistemit bankar rreth 16 për qind të aseteve në kursime dhe dhurata cash.
