Vendimi i zbardhur i KPK-së shpjegon se megjithëse unanime në konfirmimin në detyrë të prokurorit të Prokurorisë së Përgjithshme Kostaq Beluri, trupa gjykuese u nda për pjesën e vendimit që e çon prokurorin për inspektim dhe masë disiplinore. Shumica e KPK-së cilësoi të paplotë hetimin e një çështje, ku i dyshuar ishte gjykatësi i shkarkuar […]
Ambasadorja e Gjermanisë në Tiranë përgëzoi punën e bërë deri tani nga Komisioni i Pavarur i Kualifikimit, ndërsa kërkoi ngritjen sa më shpejt të KLGJ e KLP dhe plotësimin e vendeve vakante në gjykatën e Lartë e Kushtetuese.
Një raport i Institutit të Studimeve Politike hedh dritë mbi qasjen e anëtarëve të Komisionit të Pavarur të Kualifikimit ndaj subjekteve duke u bazuar në numrin e vendimeve për shkarkim apo konfirmim të dhënë prej tyre.
Operacioni Ndërkombëtar i Monitorimit i ka rekomanduar Komisionerit Publik që të apelojë vendimin e Komisionit të Pavarur të Kualifikimit për konfirmimin në detyrë të prokurorit të Prokurorisë për Krime të Rënda, Gentjan Osmani.
Operacioni Ndërkombëtar i Monitorimit i ka rekomanduar Komisionerit Publik të ankimojë vendimin e Komisionit të Pavarur të Kualifikimit, i cili konfirmoi në detyrë gjyqtarin e Gjykatës Administrative të Shkallës së Parë, Gentian Medja.
Njësoj si në rastin e Bashkim Dedjes së Kushtetueses, Operacioni Ndërkombëtar i Monitorimit kundërshtoi konfirmimin në detyrë edhe për kreun e Gjykatës së Lartë, Xhezair Zaganjori, i cili pritet të përballet tashmë me Kolegjin e Posaçëm të Apelimit.
