Ndërtimi pa leje në një kohë kur kishte dhënë dënime me burg për “ndërtim të paligjshëm”, mosdorëzimi në afat një Apelimi në një çështje për vrasje, akuzat për korrupsion dhe problemet me pasurinë çuan në shkarkimin nga KPK të Admir Belishtës. Gjyqtari kundërshtoi gjetjet e Komisionit.
Drejtuesi i Prokurorisë së Apelit të Vlorës Altin Binaj u gjet sipas relacionit me mungesë të ardhurash për vitet 2008, 2011 dhe 2013. Ai u vlerësua pozitivisht në dy kriteret e tjera. Binaj kundërshtoi gjetjet e KPK mbi pasurinë dhe kërkoi të konfirmohej.
Gjykatësi i Apelit të Tiranës nuk ia doli të justifikonte para Komisionit të Pavarur të Kualifikimit shpenzime në vlerë 5.4 milion lekë, ndërsa hetimi zbuloi se një pjesë e tyre nuk ishin deklaruar në vite dhe as në “Deklaratën Veting”.
Vendimi i zbardhur i Komisionit të Pavarur të Kualifikimit tregon se Izet Kadana kryetar i Gjykatës së Pukës u rrëzua në të tre kriteret, ndërsa u gjet i papërshtatshëm për shkak të nipërve të dënuar dhe vëllait të hetuar për pastrim parash.
Vendimi i zbardhur i KPK-së tregon se përtej shkeljes së etikës, prokurori i shkarkuar i Prokurorisë së Përgjithshme Artur Selmani nuk provoi se i kishte fituar paratë në baste sportive dhe u gjet se kishte “cënuar besimin e publikut te drejtësia”.
Prokurorja Alma Muça kaloi shkallën e parë të procesit të vetingut, por Komisioni i Pavarur i Kualifikimit rekomandoi që kallëzimi i prokurorisë së Vlorës ndaj saj rreth qëndrimit të mbajtur për çështjen e njohur si Masakra e Çoles të mbahet parasysh në vlerësimin periodik.
