Kolegji i Posaçëm i Apelimit rrëzoi në mënyrë unanime ankimin e ish-këshilltarit ligjor të Gjykatës Administrative të Shkallës së Parë Gjirokastër, Gentian Lile ndaj vendimit të Komisionit që ndërpreu vetingun dhe i hoqi të drejtën e rikthimit në sistemin e drejtësisë për 15 vite, për shkak të dorëheqjes së tij.
Kolegji i Posaçëm i Apelimit rrëzoi më shumicë votash ankimin e gjyqtarit të Tiranës, Ilir Mustafaj ndaj vendimit të Komisionit që e shkarkoi për deklarim të pamjaftueshëm të pasurisë.
Kolegji i Posaçëm i Apelimit vendosi t’i japë mundësinë Komisionerit Publik, Florian Ballhysa të njihet me aktet e konsideruara sekret shtetëror, të administruara në funksion të një raporti negativ të DSIK-së për drejtuesin e Prokurorisë së Krujës, Petrit Çano dhe shtyu seancën.
Dy ish-gjyqtarët Ibrahim Hoxha dhe Shkëlqim Miri – të dënuar me vendim të formës së prerë për korrupsion, nuk u paraqitën në seancën publike në Kolegjin e Posaçëm të Apelimit, KPA ku po shqyrtohen ankimet e Komisionerit Publik, Darjel Sina ndaj vendimeve të KPK-së për ndërprerjen e vetingut ndaj këtyre subjekteve.
Pamundësia shëndetësore dhe mungesa e avokates e cila ndiqte një seancë në Kolegjin e Posaçëm në të njëjtën orë shtyn seancën në Komisionin e Pavarur të Kualifikmit ndaj prokurort Arben Dyla.
Komisioni i Pavarur i Kualifikimit vendosi unanimisht të largojë nga detyra prokurorin e Prokurorisë së Shkodrës, Arben Smaçi pas problemeve të evidentuara për kriterin e pasurisë.
