Gjyqtari i Apelit të Vlorës, Sokol Ngresi deklaroi se prapa denoncimeve ndaj tij për fshehje apartamenti qëndronte administratori i shoqërisë “AFA Konstruksion” sh.p.k, Flamur Kadëna dhe kërkoi seancë me dyer të mbyllura duke pretenduar se në shpjegimet e tij do të përmendet edhe bota e krimit. Kolegji vendosi të thërrasë si dëshmitar Kadënën dhe urdhëroi […]
Kolegji i Posaçëm i Apelimit rrëzoi në mënyrë unanime ankimin e ish-këshilltarit ligjor të Gjykatës Administrative të Shkallës së Parë Gjirokastër, Gentian Lile ndaj vendimit të Komisionit që ndërpreu vetingun dhe i hoqi të drejtën e rikthimit në sistemin e drejtësisë për 15 vite, për shkak të dorëheqjes së tij.
Kolegji i Posaçëm i Apelimit rrëzoi më shumicë votash ankimin e gjyqtarit të Tiranës, Ilir Mustafaj ndaj vendimit të Komisionit që e shkarkoi për deklarim të pamjaftueshëm të pasurisë.
Kolegji i Posaçëm i Apelimit vendosi t’i japë mundësinë Komisionerit Publik, Florian Ballhysa të njihet me aktet e konsideruara sekret shtetëror, të administruara në funksion të një raporti negativ të DSIK-së për drejtuesin e Prokurorisë së Krujës, Petrit Çano dhe shtyu seancën.
Dy ish-gjyqtarët Ibrahim Hoxha dhe Shkëlqim Miri – të dënuar me vendim të formës së prerë për korrupsion, nuk u paraqitën në seancën publike në Kolegjin e Posaçëm të Apelimit, KPA ku po shqyrtohen ankimet e Komisionerit Publik, Darjel Sina ndaj vendimeve të KPK-së për ndërprerjen e vetingut ndaj këtyre subjekteve.
Komisioneri Publik Darjel Sina kërkoi shkarkimin e prokurorit të Tiranës, Besim Hajdarmataj për cënim të besimit të publikut tek drejtësia, ndërkohë subjekti i rivlerësimit pretendoi se e ka përmbushur barrën e provës dhe se qëndrimi i Komisionerit është i pabazuar dhe paragjykues.
