Pas një kërkese për dalje për pension të parakohshëm dhe një kërkese për dorëheqje të gjyqtares së Tiranës, Mimoza Brahimi, Këshilli i Lartë Gjyqësor deklaroi përfundimin e statusit të magjistratit për këtë subjekt rivlerëismi që u pasua me ndëprerjen e vetingut nga Komisioni dhe sanksionin që i ndalon rikthimin në sistemin e drejtësisë.
Megjithëse ka gjetur të bazuara një pjesë të shkaqeve të ankimit të gjyqtarit të Apelit Durrës, Arben Vrioni, Kolegji i konsideron mungesat financiare për krijimin e pasurive e të kursimeve dhe përballimin e shpenzimeve, të mjaftueshme për lënien në fuqi të shkarkimit të tij nga detyra.
Kolegji konkludoi unanimisht se prokurori i Tiranës Anton Martini ka kryer deklarim të pasaktë për burimet e një kësti të apartamentit që zotëron, ndërkohë që është ndarë për procedurën e shqyrtimit të kundërankimit të subjektit për afatet e ankimit dhe gjetjet mbi cënimin e besimit të publikut tek drejtësia.
Komisioni i Pavarur i Kualifikimit vendosi në mënyrë unanime të konfirmojë në detyrë gjyqtaren e Kavajës, Diamela Goxha.
Qëndrimi bashkëpunues dhe deklarimi në kohë reale i një kontrate porosie formale për një apartament pasi nuk dispononte hipotekë, kanë qartësuar e bindur Komisionin se prokurori i Tiranës Isa Jata nuk është përpjekur të fshehë apo paraqesë në mënyrë të pasaktë pasuritë e tij me qëllim për të justifikuar ligjshmërinë e burimeve të krijimit të […]
Procesi i vetingut për prokurorin e Shkodrës Arben Smaçi zbuloi se ai kishte kryer deklarim të rremë për çmimin e një apartamenti në Tiranë, që pretendonte se e kishte blerë në shumën 50 mijë euro, në të njëjtën ditë që shitësi e kishte blerë vetë për 90 mijë euro.
