Vendimi i zbardhur i Komisionit të Pavarur të Kualifikimit tregon se, me gjithë këmbënguljen e Drejtorisë së Sigurimit të Informacionit të Klasifikuar se gjykatësi Ilir Toska ishte përfshirë në korrupsion e për rrjedhojë ishte i papërshtatshëm, KPK arriti të dokumentonte të kundërtën, ndërsa vendosi ta konfirmonte Toskën në detyrë.
Zbardhja e vendimit të KPK-së për konfirmimin në detyrë të kreut e Gjykatës Kushtetuese Bashkim Dedja tregon se brenda Komisionit të Pavarur të Kualifikimit ka dy arsyetime të ndryshme për sa i përket mënyrës se si do të cilësohen pasuritë e të afërmve të subjekteve të rivlerësimit të fituara në emigracion.
Zbardhja e vendimit për ish-kryeprokurorin Adriatik Llalla tregon se Kolegji i Posaçëm i Apelimit ndau qëndrime të ndryshme nëse duhej kryer apo jo procesi i rivlerësimit edhe pas dhënies së dorëheqjes, duke e lënë të hapur diskutimin për rastet e tjera të ngjashme të gjyqtarëve dhe prokurorëve.
Komisioneri Publik Florian Ballhysa kërkoi nga Kolegji i Posaçëm i Apelimit hetim më të detajuar të pasurisë së anëtarit të Gjykatës së Lartë Edmond Islamaj, duke deklaruar se e kishte gjetur të mangët dhe të paplotë hetimin e Komisionit të Pavarur të Kualifikimit i cili e konfirmoi gjykatësin në detyrë.
Gjykatësja e Kurbinit Marçela Shehu u konfirmua në detyrë nga Komisioni i Pavarur i Kualifikimit, por Shehut iu desh të gërmonte në të shkuarën e saj për të provuar edhe shuma jo të mëdha të ardhurash për të kaluar testin e vetingut.
Komisioni i Pavarur i Kualifikimit ktheu përmbys mbrojtjen e gjyqtarit të Apelit Durrës, Besim Trezhnjeva, ndërsa vendosi ta shkarkonte atë për fshehje pasurie e cënim të besimit, duke përdorur në disa momente nga vetëdeklarimet e tij për fiktivitet të një kredie apo pretendimin e të ardhurave të padeklaruara më parë.
