Gjyqtarja e Tiranës, Dhurata Balla nuk u paraqit në seancën dëgjimore në Komisionin e Pavarur të Kualifikimit, pasi kishte dorëzuar më parë raport mjekwsor se vuante nga gjendrat tiroide. Përfaqësuesi i saj ligjor kërkoi kohë për t’u njohur me aktet, kërkesë që u pranua nga Komisioni.
Prokurori i Beratit, Tasim Puci u pyet në lidhje me një kontratë noteriale në të cilën ai rezultonte pronar i një apartamenti, të cilin ia kalonte vjehrrit dhe disa shkëmbime financiare me këtë të fundit. Puci kërkoi konfirmimin në detyrë, ndërsa pretendoi se nuk kishte asnjë pasuri.
Kolegji i Posaçëm i Apelimit, KPA pranoi si prova disa dokumente të tjera të dorëzuara nga prokurori i Kavajës, Artan Madani dhe i la detyrë Komisionerit Publik që të paraqesë qëndrimin e tij lidhur me këto dokumente.
Komisioni i Pavarur i Kualifikimit gjeti pasaktësi në deklarime dhe mungesë burimesh të ligjshme në të ardhurat, shpenzimet dhe pasuritë e babait të ndjerë të prokurorit Bledar Maksuti –duke evidentuar situatën e pazakontë në këtë proces.
Gjyqtarja e Gjykatës së Tiranës dhe Ish-Avokatja e Shtetit, Alma Hicka është larguar nga detyra nga Komisioni i Pavarur i Kualifikimit.
Kolegji i Posaçëm i Apelimit vendosi të administrojë provat e reja të dorëzuara nga kreu i Gjykatës Administrative të Apelit, Kastriot Selita si dhe të hetojë mbi 12 denoncimet e reja të mbërritura ndaj tij.
