Kreu i Gjykatës Administrative të Apelit Kastriot Selita u përball gjatë seancës dëgjimore me dyshimet e KPK për favorizim të Bledar Valikajt, bashkëshortit të deputetes së PS Ermonela Felaj në padinë ndaj Presidentit, dyshimet për konflikt interesi dhe një denoncim anonim nga kolegët. Selita mohoi akuzat dhe kërkoi konfirmim në detyrë.
Drejtuesja e Prokurorisë së Elbasanit Enkeleda Millonai kaloi një seancë dëgjimore pa probleme para KPK. Ajo u përball me pyetje rreth një çështje hetimore të pushuar, për të cilën dha shpjegime. Millonai u dakordësua me hetimin dhe kërkoi konfirmim në detyrë.
Komisioni i Pavarur i Kualifikimit konstatoi mungesë burimesh të ligjshme për këstin 20 mijë euro të një apartamenti si dhe shkollimin e të birit në Britaninë e Madhe, ndërkohë që avokati i gjyqtarit të Apelit për Krime të Rënda kontestoi trupin gjykues dhe analizën financiare.
Komisioni i Pavarur i Kualifikimit nuk konstatoi probleme të dukshme në të tre kriteret, ndërkohë që pyetjet për shtëpinë e përbashkët me babanë dhe vëllezërit dhe një makinë të blerë në Angli e vendosën Marën përballë një “testi besueshmërie”.
Kolegji i Posaçëm i Apelimit dëgjoi ankimin e Komisionerit Publik kundër vendimit të KPK për konfirmimin në detyrë të gjyqtares Nertina Kosova dhe mbrojtjen e kësaj të fundit. KPA caktoi një seancë të dytë për t’i dhënë kohë Komisionerit të njihej me dokumentet e sjella nga subjekti.
Komisioni i Pavarur i Kualifikimit vendosi shkarkimin nga detyra të kryetarit të Gjykatës së Apelit Shkodër, ndërsa ky i fundit deklaroi se “dilte kryenaltë nga salla”.
