Komisioneri Publik arsyeton se huatë dhe kursimet e Prokurorit të Krimeve të Rënda Besnik Muçi nuk ishin të provuara e për pasojë të ardhurat e tij duhej të konsideroheshin të pajustifikuara. Në kërkesën për të ndryshuar vendimin e KPK-së, komisioneri thotë se toka bujqësore e përfituar nga e shoqja duhej të konsiderohej “mosdeklarim”.
Vendimi i zbardhur tregon se Komisioni i Pavarur i Kualifikimit dhe Operacioni Ndërkombëtar i Monitorimit dolën në përfundime të kundërta bazuar mbi të njëjtat dokumente. KPK vendosi pro konfirmimit të Gentjan Osmanit, duke cilësuar deklarimin e tij të besueshëm. ONM thotë në rekomandimin e saj se e vetmja mënyrë që ai të mbulonte shpenzimet ishin […]
Tre organizata të shoqërisë civile, KShH, ISP dhe CSDG, që monitorojnë rivlerësimin e gjykatësve dhe prokurorëve shprehen të shqetësuar për ngadalësimin e procesit të vetingut, hapësirën ku zhvillohen seancat dhe kohën e zbardhjes së vendimeve.
Pas rekomandimit të ONM, edhe Komisioneri Publik i cilëson kontradiktore arsyetimet e Komisionit të Pavarur të Kualifikimit për pasuritë e gjyqtarit Artur Malaj-përfshirë edhe vilën 3-katëshe në Vlorë për të cilën Komisioneri thotë se “është e paqartë se kush, kur dhe pse u ndërtua”.
Kolegji i Posaçëm i Apelimit vendosi të konfirmojë shkarkimin e ish-anëtares së Gjykatës Kushtetuese Altina Xhoxhaj. Xhoxhaj u shkarkua nga KPK për “cënim të besimit të publikut te drejtësia” dhe “deklarim të pamjaftueshëm” në kriterin e pasurisë.
Prokurori i Krimeve të Rënda Besnik Muçi u konfirmua, ndërsa KPK konsideroi të parëndësishme disa pasaktësi në deklarimin e pasurisë dhe mospërputhje të të ardhurave në shuma të vogla. Muçi megjithatë u vlerësua me “nivel minimal” kualifikimi në kriterin profesional, ndërsa iu gjetën të meta proceduriale në dosjet që kishte hetuar.
