Një sërë deklarimesh të pasakta, kontradiktore dhe mosdeklarimesh penalizuan prokuroren e Përmetit Silvana Pani. Komisioni i Pavarur i Kualifikimit doli në përfundimin se ajo kishte bërë fshehje pasurie, kishte konflikt interesi dhe një balancë negative pre 11.5 milionë lekësh.
Në vendimin e arsyetuar, KPK ngre dyshime se gjyqtari i Apelit të Tiranës, Artur Gaxha kreu veprime fiktive për të justifikuar investimet në pasuri të paluajtshme –ndërsa balancat negative llogariten në dhjetra milionë lekë.
Kolegji i Posaçëm i Apelimit rrëzoi disa nga gjetjet e KPK ndaj ish-kryetarit të Gjykatës së Fierit, Roland Jaupaj por la në fuqi vendimin për shkarkim për mosjustifikim të pasurisë, ndërsa në vendim orientohet KPK për “të gjetur” pasurinë e fshehur.
Tre anëtarë të Kolegjit i kanë dhënë të drejtë ankimit të ish-prokurorit Fatmir Lushi për kriterin e figurës dhe disa elementë të pasurisë –por mungesa e burime për blerjen e një apartamenti në Elbasan e nxjerr atë përfundimisht nga sistemi i drejtësisë.
Kolegji rrëzoi si të pakuptimta dhe pa prova disa nga gjetjet e Komisionit për ish-gjyqtarin e Apelit të Tiranës, Hysni Demiraj, por la në fuqi vendimin e shkarkimit pasi konfirmoi konfliktin e interesit, mosjustifikimin e pasurisë dhe “defekt të rëndësishëm në ushtrimin e veprimtarisë gjyqësore”.
Sipas vendimit të arsyetuar të KPK-së, gjyqtari i Apelit të Durrësit, Tritan Hamitaj nuk arriti të justifikonte burimin e pasurive në vlerën e 14 milionë lekëve. Trupa gjyqësore u nda në vendimin nëse sjellja jobashkëpunuese përpara KPK-së duhej ndëshkuar apo jo.
