I shkarkuari i parë nga procesi i vetingut, Fatos Lulo e pësoi sipas vendimit të zbardhur pasi kishte deklaruar në ILDKPKI në vitet 2004-2006 pasuri në Kanada, nga të cilat hoqi dorë gjatë “deklaratës veting”, ku shkroi se nuk kishte pasur ndonjëherë një llogari prej 400 mijë dollarësh kanadezë apo apartament në Kanada.
Karriera e prokurorit Gentian Trenova është vënë në pikëpyetje, pasi Komisioni i Pavarur i Kualifikimit ka zbuluar deklarata të rreme dhe pasuri të pajustifikuara, si dhe vuri në dukje faktin e pushimit të hetimeve për një trafikant droge dhe një prokuror të akuzuar për korrupsion. Trenova hodhi poshtë akuzat dhe kërkoi konfirmimin në detyrë.
KPK vendosi me shumicë votash që të konfirmojë në detyrë kryetarin e Gjykatës Kushtetuese Bashim Dedja, megjithëse relacioni gjatë seancës dëgjimore pati gjetur probleme në pasurinë e tij.
Pas dy seancash dëgjimore, Kolegji i Posaçëm i Apelimit ka hedhur poshtë pikëpyetjet e Komisionerit Publik nëse ish- Prokurori i Përgjithshëm, Adriatik Llalla e kishte dhënë dorëheqjen në formatin e duhur.
Bazuar në relacionin e lexuar në seancën dëgjimore nga trupa e KPK-së, deklarimi i pasurisë nga kreu i Gjykatës Kushtetuese Bashkim Dedja u gjet me disa probleme, si mos-justifikimin i dy huave dhe paqartësi për dy apartamente. Avokati Maks Haxhia kërkoi rikonfirmimin në detyrë dhe i justifikoi mungesat me infiormalitetin e shqiptarëve emigrantë.
Analiza e deklaratave të pasurisë së Bashkim Dedja- kryetar i Gjykatës së Kushtetuese që përballet me procesin e vetingut të premten, nga viti 2003 deri në vitin 2017.
