Gjyqtarët Arben Mullaj i Gjykatës së Tiranës dhe Ergys Selmani i Gjykatës Fier kanë dhënë dorëheqjen nga detyra pasi iu është kaluar barra e provës për gjetjet e hetimit administrativ, ndërsa këshilltari ligjor Gent Pejo ishte dorëhequr në vitin 2017.
Gjyqtarja e Fierit, Adelina Zarka pretendoi se kishte pasur burime të ligjshme për krijimin e pasurive dhe se në shqyrtimin dhe vendimarrjen për një çështje me kompaninë “Bankers Petroleum” kishte zbatuar vetëm ligjin.
Komisioni i Pavarur i Kualifikimit vendosi në mënyrë unanime të lërë në detyrë prokurorin e Gjirokastrës, Julian Çafka dhe të transferojë për inspektim në ILD dy çështje të hetuara prej tij.
Komisioni i Pavarur i Kualifikimit konstaton pamundësi financiare për blerjen e një apartamenti në Tiranë nga prokurori i Kurbinit, Arben Nika dhe vlerëson se një kredi e butë që ka shërbyer si burim për këtë pasuri është përfituar në kundërshtim me ligjin.
Komisioni i Pavarur i Kualifikimit i vlerësoi jo penalizuese deklarimet e pasakta dhe mungesat financiare të prokurores së Lushnjës, Natasha Shallapi, duke arguentuar se balanca negative përfshin një periudhë të gjatë të bashkëshortit par lidhjes së martesës dhe përpara se subjekti të fillonte detyrën.
Komisioni vendosi të ndëpresë procesin e rivlerësimit për gjyqtarin e Gjykatës së Fierit, Piro Sota për shkak të dorëheqjes së tij nga detyra dhe i ndaloi rikthimin në sistemin e drejtësisë për 15 vite.
