Komisioneri Publik Florian Ballhysa dhe prokurorja Manjola Kajana e konsideruan të plotë hetimin gjyqësor dhe kërkuan mbylljen e shqyrtimit gjyqësor, ndërsa KPA vendosi t’i kërkojë përsëri bashkisë së Fierit dokumentacionin e plotë të aplikimit të bashkëshortit të Kajanës si i pastrehë.
Në vendimin e zbardhur të Komisionit të Pavarur të Kualifikimit thuhet se prokurori Jano depozitoi prova për të ardhurat e përfituara nga dhëndri prej dypunësimit dhe se në analizën financiare ishin kryer gabim përllogaritjet për shpenzimet jetike.
Komisioni i Pavarur i Kualifikimit konstaton se prokurori Duda nuk ka vërtetuar pagesën e plotë të një apartamenti në Lushnjë si dhe se ka balanca negative për disa vite. Avokati i tij kërkoi riçeljen e hetimit për dy kriteret e tjera.
Gjyqtari Ridvan Hado u ballafaqua me vëzhguesin ndërkombëtar, Theo Jacobs për rolin e tij si anëtar i Këshillit të Lartë të Drejtësisë në dhënien e lejes prindërore për gjyqtarin tjetër, Gjin Gjoni –vendim të cilin ai e konsideroi të ligjshëm.
Komisioni i Pavarur i Kualifikimit vendosi shkarkimin e gjyqtares Fatmira Hajdari për pasuri të pajustifikuar prej 52 milionë lekësh si dhe mosdeklarimin e heqjes së dy vizave amerikane.
Prokurori i Apelit të Tiranës, Edmond Hyka rezultoi me balanca negative të vlera të konsiderueshme për pasuritë e tij, ndërsa u ngritën pikëpyetje edhe për një rast të konfliktit të interesit.
