Gjyqtari i Apelit Administrativ, Arjan Qafa u përpoq të shmangte barrën për 80 mijë euro cash të deklaruara nga bashkëshortja dhe 7.4 milionë lekë të përfituara si interesa huaje përmes një kontrate të diskutueshme paramartesore. Sipas Komisionit, të paprovuara janë edhe 47 mijë euro dhurata nga familjarët.
Vendimi i arsyetuar i shkarkimit të gjyqtares së Apelit të Tiranës, Fatmira Hajdari motivohet me mungesën e burimeve të ligjshme për 12 vite radhazi, me pasuri dhe transaksione të padeklaruara si dhe me veprën e “ndërtimit të paligjshëm” të një pallati –i cili u konsiderua nga KPK si cenim i besimit te drejtësia.
Komisioni i Pavarur i Kualifikimit i gjeti të paprovueshme pretendimet e prokurorit Blerim Tominaj për pasurinë, ndërsa arsyetoi se ai kishte një bilanc negativ prej 110 milionë lekësh dhe se nuk provoi pronësinë e të atit mbi 200 monedha ari në fillim të ’90.
Vendimi i KPK-së për shkarkimin e prokurores së Apelit të Korçës, Rozeta Qirjaqi u bazua kryesisht në mungesën e dokumentacionit për të ardhurat e bashkëshortit si emigrant në Greqi. Qirjaqi u rrëzua edhe në kriterin e figurës, pasi nuk kishte deklaruar dënimin e nipit për lëndë narkotike.
Kolegji i Posaçëm i Apelimit vendosi në favor të shkarkimit të anëtarit të Këshillit të Lartë të Prokurorisë, Arben Dollapaj me argumentin se deklarimet për kohën dhe shpenzimet e bëra për ndërtimin e një shtëpie në Tiranë dhe tjetrës në Tropojë ishin të paplota.
Komisioneri Publik njoftoi se do kërkonte shkarkimin e gjyqtares së Gjykatës së Posaçme Etleva Deda në Kolegjin e Posaçëm të Apelimit, duke kundërshtuar vendimin e Komisionit të Pavarur të Kualifikimit për kriterin e pasurisë.
