Komisioni i Pavarur i Kualifikimit shkarkoi nga detyra gjyqtaren e Gjykatës së Apelit për Krime të Rënda, Dhurata Haveri pasi zbuloi se subjekti kishte mungesë burimesh ligjshme për një numër asetesh të deklaruara dhe ka bërë deklarim të rremë për koston e shkollimit të vajzës.
Kolegjit i Posaçëm i Apelimit e hodhi poshtë ankimin e prokurorit Dritan Rreshka duke konfirmuar vendimin e KPK-së për shkarkimin e tij nga detyra, pasi arriti në konkluzionin se subjekti kishte bërë deklarim të rremë, ka fshehur pasurinë dhe ka mungese burimesh financiare.
Vendimi i zbardhur për shkarkimin nga detyra të gjyqtares Alma Brati, zbulon se një shumicë e trupës gjykuese në Kolegjin e Posaçëm të Apelimit, ka zgjedhur një interpretim aspak ortodoks të ligjit të vetingut që e barazon mungesën e burimeve financiare të ligjshme me deklarimin e rremë.
Kryesuesja e trupës gjykuese Xhensila Pine në mendimin në pakicë shprehet se prokurori Elvin Gokaj duhet të ishte shkarkuar nga detyra dhe jo të pezullohej për një vit për shkak të mangësive profesionale.
Komision i Pavaruar i Kualifikimit e konfirmoi në detyrë prokurorin e Prokurorisë së Rrethit Gjyqësor Kavajë, Artan Madani me shumicë votash, pas trupa gjykuese u nda në vlerësimin e pasurisë së subjektit.
Nënkryetari i bashkisë së Tiranës, Arbjan Mazniku u mor në pyetje paraditen e të hënës në Prokurorinë e Tiranës, pas regjistrimit të një kallëzimi penal për shpërdorim detyre dhe korrupsion pasiv të personave që ushtrojnë funksione publike. Mazniku u pyet në cilësinë e personit në dijeni të fakteve, lidhur me pagesën e faturës së akomodimit […]
