Komisioni i Pavarur i Kualifikimit konstatoi mospërputhje dhe mungesë burimesh të ligjshme për pasurinë dhe shpenzimet e gjyqtares së Apelit të Korçës, Brunilda Malo, ndërkohë që ajo e konsideroi procesin të paragjykuar dhe përsëriti kërkesën për hetimin në të tre kriteret.
Prona të krijuara me burime të pajustifikuara, një raport sekret që sugjeron lidhje me krimin e organizuar dhe një masë sigurie arrest me burg i paargumentuar rënduan mbi kryetarin e Gjykatës së Elbasanit Sulejman Kurti, i cili u përball me procesin e vetingut të hënën.
Kolegji i Posaçëm i Apelimit e quajti konkluzionin e KPK-së se kryetari i Gjykatës së Lartë kishte kryer “evazion tatimor të ligjshëm” një term që sfidon logjikën, ndërkohë që interpretoi peshën e deklaratave periodike në proces si dhe përcaktimin për dyfishin e pasurisë së ligjshme.
Gjyqtarja e Apelit për Krime të Rënda, Nertina Kosova u konfirmua në detyrë me shumicë votash, ndërsa kryetarja e Kolegjit të Posaçëm të Apelimit, Natasha Mulaj arsyetoi se ajo duhet të ishte shkarkuar.
Pasi u përball me akuzat për mungesën e 5.2 milionë lekëve për ndërtimin e një vile si dhe dyshimet për fshehje pasurie, kryetari i Gjykatës së Kukësit, Isuf Shehu kërkoi përjashtimin e trupës gjykuese, duke e cilësuar atë të njëanshme.
Koherenca e munguar për të shpjeguar shtesat dhe pakësimet e pasurisë gjatë dy viteve të karrierës që rezultonin me një bilanc negativ të ardhurash dhe shpenzimesh, e shtyu Kolegjin ta përmbyste vendimin e KPK-së duke shkarkuar nga detyra prokurorin e Krimeve të Rënda, Gentjan Osmani.
