Në vendimin e arsyetuar për gjyqtaren e Apelit të Vlorës, Klodiana Gjyzari, KPK ekspozon probleme të pasurisë dhe një rast të konfliktit të interesit, por edhe një seri vendimesh të denoncuara për shkelje, mes të cilave edhe gjykimin e një të vdekuri.
Bazuar në rekomandimin e ONM-së, Komisioneri Publik, Florian Ballhysa i kërkon Kolegjit të Posaçëm të Apelimit që të vlerësojë nëse zgjidhja e çështjes për gjyqtaren Marinela Osmani do të jetë e ndryshme nga ajo e bashkëshortit.
Komisoni i Pavarur i Kualifikimit vlerësoi se gjyqtari i Elbasanit, Ramazan Avdiu nuk e kundërshtoi dot barrën e provës për pasurinë dhe, me shumicë votash, rrëzoi kërkesën e tij për riçeljen e hetimit edhe për dy kriteret e tjera të rivlerësimit, atë të pastërtisë së figurës dhe profesionalizmit.
Komisioneri Publik, Florian Ballhysa vlerëson se konkluzionet e Komisionit të Pavarur të Kualifikimit që vendosi të konfirmojë në detyrë gjyqtaren e Apelit Vlorë, Iliba Bezati nuk bazohen në një hetim të plotë. Ai i kërkon Kolegjit që të vlerësojë ligjshmërinë e dhurimeve në vlera të konsiderueshme që kanë shërbyer për krijimin e pasurive dhe të […]
Gjatë seancës dëgjimore nuk u evidentuan probleme domethënëse në asnjë prej kritereve të rivlerësimit.
Shumica e trupit gjykues të Komisionit të Pavarur të Kualifikimit është bindur nga shpjegimet e prokurores së Tiranës, Marjeta Zaimi për burimet e pasurive, megjithëse një pjesë e tyre kanë rezultuar kontradiktore me deklarimet e mëparshme.
