Gjyqtarja e Gjykatës së Apelit të Tiranës, Elona Toro (Stavri) u përball në Komisionin e Pavarur të Kualifikimit me pyetje mbi burimin e ligjshëm të të ardhurave të babait të saj dhe të një huadhënësi –të cilët shërbyen si burim për blerjen e një apartamenti prej 135 mijë eurosh.
Komisioni i Pavarur i Kualifikimit vendosi të transferojë për inspektim dy çështje të hetuara nga prokurori Gjon Fusha në vitet 2015 dhe 2019.
Pas konfirmimit, KPK kërkoi që gjyqtarja e Apelit të Gjirokastrës, Miranda Andoni të verifikohej përmes një procedimi disiplinor dhe vlerësimi etik.
Gjyqtarja Etleva Deda e Gjykatës së Posaçme kundër Korrupsionit dhe Krimit të Organizuar u konfirmua në detyrë pas hetimit në të tre kriteret.
Me një ankim të bazuar kryesisht në pasaktësitë e deklarimeve vjetore të pasurisë dhe mos-hetimin e dhunës ndaj një gazetari në vitin 2014 nga një ish-gardist, Komisioneri Publik i kërkon Kolegjit të Posaçëm të Apelimit të shkarkojë prokurorin Anton Martini.
Në vendimin për shfuqizimin e masës së sigurisë ‘pezullim nga detyra’ të gjyqtarit Luan Daci; Gjykata e Posaçme e Apelit shprehet se fakti që gjatë aplikimit në Kuvend ai ka gënjyer për një masë disiplinore nuk përbën vepër penale.
