Kolegji i Posaçëm i Apelimit mbylli procesin gjyqësor në rastin e gjyqtarit Artan Lazaj, i cili ka apeluar vendimin e shkarkimit të Komisionit të Pavarur të Kualifikimit duke pretenduar shkelje procedurale, dashakeqësi dhe paragjykim nga ana e KPK-së.
Operacioni Ndërkombëtar i Monitorimit (ONM) i kërkoi Komisionerit Publik të apelojë në Kolegjin e Posaçëm të Apelimit vendimin e KPK-së për të konfirmuar në detyrë prokurorin Besnik Cani, këshilltar i Prokurores së Përgjithshme të Përkohshme, Arta Marku.
Kolegji i Posaçëm i Apelimit dëgjoi pretendimet e gjykatësit të shkarkuar të Tiranës, Artan Lazaj kundër vendimit të Komisionit të Pavarur. Lazaj pretendoi se kryesuesja e trupit gjykues kishte treguar njëanshmëri dhe se regjistrimi audio i seancës dëgjimore ishte fshirë pjesërisht.
Pavarësisht dyshimeve për pamjaftueshmëri të pasurisë të ngritura gjatë seancës dëgjimore me 21 janar, Komisioni i Pavarur i Kualifikimit, KPK, vendosi konfirmimin në detyrë të drejtuesit të Prokurorisë së Apelit Vlorë, Altin Binaj.
Drejtuesja e Prokurorisë së Krimeve të Rënda, Donika Prela replikoi edhe me vëzhguesin e ONM-së, Theo Jacobs, i cili ngriti dyshime për mospagimin e taksave nga bashkëshorti, por ajo këmbënguli se ky është detyrim i kompanisë punëdhënëse dhe kërkoi konfirmimin në detyrë.
Kolegji i Apelimit i ka kërkuar gjyqtarit të Gjykatës së Lartë, Edmond Islamaj të shprehet mbi cilësinë e udhëtimeve të tij jashtë shtetit, në mënyrë që ato të përllogariten në analizën financiare të shpenzimeve dhe të ardhurave të subjektit.
