Komisioni i Pavarur i Kualifikimit dhe ONM ngritën dyshime mbi etikën profesionale dhe thanë se kishte dyshime për cënimin e besimit të publikut te drejtësia nga prokurori Besnik Cani, tani këshilltar pranë Prokurorisë së Përgjithshme. Cani mohoi të kishte shkelur etikën dhe kërkoi të konfirmohej në detyrë.
Prokurori Artur Selmani u përball me pyetje për varësinë e tij nga kumari, burimet e pasurisë dhe lehtësimin e akuzave për 3 të pandehur. Ai kundërshtoi gjetjet e KPK-së, akuzoi ish-kryeprokurorin Adriatik Llalla për veprime të paligjshme dhe e përshkroi karrierën e tij 30-vjeçare si “prokurori që i çon hetimet deri në fund”.
Komisioni i Pavarur i Kualifikimit mbajti të enjten seancën dëgjimore për prokurorin e Prokurorisë së Tiranës, Shpëtim Kurti, duke zbardhur lidhjet e tij me një trafikant të qenieve njerëzore, si dhe probleme me justifikimin e pasurisë së tij dhe atë të personave të lidhur.
Kolegji i Pavarur i Apelimit vendosi të enjten në dhomë këshillimi dhe me vota unanime lënien në fuqi të vendimit të shkarkimit për Ndrecën, i cili u shkarkua për pasuri të padeklaruara dhe fshehjen e dënimit të kunatit.
Komisioni i Pavarur i Kualifikimit vendosi të konfirmojë në detyrë gjykatësin e Apelit të Gjirokastrës Enton Dhimitri, pavarësisht problemeve të kunatit të dënuar në Greqi. KPK ka pranuar arsyetimin e Dhimitrit se nuk kishte kontakte dhe nuk kishte pasur dijeni për dënimin.
Këshilltares ligjore Fiona Papajorgji, e cila kandidon për Gjykatën Kushtetuese iu kërkua të justifikonte me dokumentacion shpenzimet gjatë studimeve në Itali, për të llogaritur më pas kursimet nga një bursë e BE. Ajo premtoi se dokumentet do të viheshin në dispozicion shumë shpejt.
