Sipas vendimit të arsyetuar të KPK-së, gjyqtari i Apelit të Durrësit, Tritan Hamitaj nuk arriti të justifikonte burimin e pasurive në vlerën e 14 milionë lekëve. Trupa gjyqësore u nda në vendimin nëse sjellja jobashkëpunuese përpara KPK-së duhej ndëshkuar apo jo.
Duke e konsideruar hetimin e Komisionit të Pavarur të Kualifikimit të pamjaftueshëm si dhe problemet e vërejtura deri tani si të konsiderueshme, Komisioneri Publik Florian Ballhysa kërkon nga Kolegji rihapje të hetimit për gjyqtaren Brahimi.
Vendimi i arsyetuar i KPK-së për shkarkimin e gjyqtares së Apelit të Shkodrës, Lindita Hoxha tregon se shumica gjeti mungesë burimesh të ligjshme dhe konflikt interesi, ndërsa relatorja argumentoi për të kundërtën.
Kolegji i Posaçëm i Apelimit arsyetoi kundër pretendimeve të ish-këshilltares ligjore, Ana Golloshi, se hetimi duhej të kryhej për kohën që ajo ishte në detyrë dhe u shpreh se pamjaftueshmëria e pasurisë nuk fokusohej posaçërisht te korrupsioni apo abuzimi me detyrën.
Ankimi i ish-anëtares së Gjykatës së Lartë, Arjana Fullani kundër vendimit që e përjashton atë për 15 vjet nga sistemi i drejtësisë do të shqyrtohet në seancë publike nga Kolegji i Posaçëm i Apelimit.
Komisioni i Pavarur i Kualifikimit, pasi u njoh me shpjegimet e dhëna në seancë dëgjimore nga gjyqtarja Flora Hajredinaj lidhur me mungesë të burimeve financiare dhe një raport negativ të DSIK, vendosi konfirmimin e saj në detyrë.
