Prokurori Artan Bajrami. Foto: BIRN
Artikull kryesor Lajme KPA Lajme Në Fokus

KPA lë në fuqi shkarkimin e ish-prokurori Artan Bajrami

Prokurori Artan Bajrami u shkarkua nga Komisioni i Pavarur i Kualifikimit pasi u akuzua për deklarim të rremë për blerjen e një apartamenti dhe mosdeklarim të dhuratave nga baxhanaku biznesmen.

Prokurori Artan Bajrami. Foto: BIRN

Kolegji i Posaçëm i Apelimit, KPA vendosi të premten të lërë në fuqi vendimin e Komisionit të Pavarur të Kualifikimit, KPK për shkarkimin nga detyra të ish-drejtuesit të ish-Prokurorisë së Apelit për Krimet e Rënda, Artan Bajrami.

Në njoftimin e KPA thuhet se trupi gjykues i Kolegjit, i përbërë nga Rezarta Schuetz kryesuese, Ardian Hajdari relator dhe Ina Rama, Luan Daci e Sokol Çomo anëtarë, shqyrtoi në dhomë këshillimi ankimin e prokurorit Bajrami kundër shkarkimit dhe vendosi lënien në fuqi të vendimit të KPK të dhënë më 14 shkurt 2019.

Prokurori Artan Bajrami u shkarkua nga detyra pas një karriere 35-vjeçare për shkak të deklarimit të rremë dhe të pasaktë të burimeve për blerjen e një apartamenti në Tiranë si dhe mosdeklarimin e dhurimeve prej 2.2 milionë lekësh në total nga baxhanaku i tij biznesmen.

Procesi i rivlerësimit për Bajramin në Komisionin e Pavarur të Kualifikimit u krye nga trupi gjykues i drejtuar nga Valbona Sanxhaktari, me relatore Suela Zhegun dhe anëtare Brunilda Bekteshin.

Leave a Reply

Your email address will not be published. Required fields are marked *