Kolegji i Posaçëm i Apelimit, KPA njoftoi mbrëmjen e të mërkurës më 16 nëntor lënien në fuqi të shkarkimit nga detyra të ish-gjyqtarit të Apelit Vlorë, Petrit Aliaj. Aliaj u shkarkua nga detyra më 15 qershor 2020 nga Komisioni i Pavarur i Kualifikimi, KPK pasi u konstatuan një sërë problemesh, përfshi përpjekje për të fshehur […]
Vendimi i zbardhur i Komisionit të Pavarur të Kualifikimit tregon se gjyqtari Petrit Aliaj dërgoi në 4 muaj, katër raporte mjekësore me diagnoza të ndryshme – një prej të cilëve u provua i rremë sipas KPK. Komisioni e shkarkoi për një sërë problemesh, përfshi përpjekje për të fshehur pasurinë dhe cënim të besimit te drejtësia.
Gjyqtari i Gjykatës së Apelit të Vlorës u shpall i shkarkuar nga Komisioni i Pavarur i Kualifikimit për shkak të mosjustifikimit të së paku 19.4 milionë lekëve pasuri.
Gjyqtari i Apelit të Vlorës, Petrit Aliaj nuk u paraqit përsëri në seancë dëgjimore dhe i dërgoi KPK-së një raport mjekësor të katërt të premten, por Komisioni i lexoi gjetjet e hetimit sipas të cilit subjekti nuk kishte deklaruar dhjetra veprime financiare dhe nuk justifikonte pasurinë për të paktën 19.4 milion lekë.
Pas shtyrjes së seancës së tretë dëgjimore me një tjetër raport mjekësor nga gjyqtarit Petrit Aliaj, KPK i kërkoi Këshillit të Lartë Gjyqësor të caktojë një mjek për ekzaminimin e tij të pavarur dhe i kërkoi Ministrisë së Shëndetësisë hetimin e protokolleve dhe raporteve të lëshuara.
