Gjyqtarja e Gjykatës së Tiranës, Oltjona Goxha do të përballet të premten më 23 dhjetor me Komisionin e Pavarur të Kualifikimit. Procesi i saj i vetingut po kryhet nga trupa e përbërë nga Firdes Shuli, Olsi Komici dhe Xhensila Pine.
Oltjona Goxha u diplomua në Shkollën e Magjistraturës në vitin 2016 dhe prej asaj kohe e ushtron funksionin e gjyqtarit pranë Gjykatës së Rrethit Gjyqësor Tiranë.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet pasurinë familjare të deklaruar nga gjyqtarja Oltjona Goxha nga viti 2015 deri në fund të vitit 2018. [Kliko për skedën në PDF].
Në deklarimin për të herë të parë në vitin 2015, gjyqtarja Oltjona Goxha deklaronte pasuri me vlerë 2.1 milionë lekë, ndërsa në fund të vitit 2018, pasuria e saj kap vlerën e 1.7 milionë lekëve.
Pasuria e saj përbëhet nga një automjet me vlerë 980 mijë lekë si dhe kursime në cash në vlerën e 800 mijë lekëve.
Të ardhurat për periudhën deklaruese janë 3 milionë lekë, nga të cilat gati 98 për qind kanë si burim pagën e subjektit nga funksioni i gjyqtarit.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Nga kontrolli aritmetik/logjik për 4 vite të deklarimit, asnjë prej deklaratave nuk rezultoi me probleme.
Deklarata Para Fillimit të Detyrës
Deklarata e pasurisë së vitit 2015
Deklarata e pasurisë së vitit 2016
Deklarata e pasurisë së vitit 2017
Deklarata e pasurisë së vitit 2018
Për më shumë dokumente vizitoni databazën tonë dokumente.reporter.al
