Gjyqtarja Ëngjëllushe Tahiri, e cila punon si ndihmësmagjistrate në Njësinë e Shërbimit Ligjor në Gjykatë të Lartë, u konfirmua në detyrë të hënën nga Komisioni i Pavarur të Kualifikimit, KPK. Tahiri pati një seancë të lehtë dëgjimore. Tahiri mori vlerësim pozitiv për pastërtinë e figurës, pasurinë dhe profesionalizmin.
Procesi i vetingut për gjyqtaren Ëngjëllushe Tahiri u krye nga trupa e KPK e kryesuar Brunilda Bekteshi, me relator Lulzim Hamitajn dhe anëtare Brunilda Bekteshin. Në cilësinë e vëzhguesit ndërkombëtar ishte e pranishme Elka Ermenkova.
Ëngjëllushe Tahiri përfundoi studimet në Shkollën e Magjistraturës në vitin 2010 dhe pas një periudhe stazhi në Gjykatën e Tiranës, u emërua në Gjykatën e Rrethit Krujë. Në vitin 2020, Tahiri u komandua në Njësinë e Shërbimit Ligjor në Gjykatën e Lartë, ku vazhdon ta ushtrojë funksionin.
