Prokurorja Zena Lila e Prokurorisë së Elbasanit do të përballet të mërkurën më 13 dhjetor me Komisionin e Pavarur të Kualifikimit. Procesi i saj i vetingut po kryhet nga trupa e përbërë nga Olsi Komici, Firdes Shuli dhe Valbona Sanxhaktari.
Zena Lila përfundoi studimet në Shkollën e Magjistraturës në vitin 2003 dhe punon prej dy dekadash si prokurore në Prokurorinë e Elbasanit.
Analiza e pasurisë është një ndër tre shtyllat e rivlerësimit për prokurorët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë familjare të prokurores Zena Lila nga viti 2003 deri në fund të vitit 2019.
Në deklarimin për herë të parë në vitin 2003, prokurorja Zena Lila zotëronte pasuri me vlerë 2.3 milionë lekë, ndërsa në fund të vitit 2019, pasuria e saj familjare kap vlerën e 9.9 milionë lekëve.
Ajo zotëron likujditete bankare me vlerë 6.9 milionë lekë, pasuri të paluajtshme me vlerë 1.3 milionë lekë, kursime në cash prej 1.2 milionë lekësh si dhe automjet me vlerë 266 mijë lekë.
Të ardhurat familjare gjatë periudhës deklaruese janë 43.2 milionë lekë, nga të cilat 71% kanë si burim pagën e Znj. Lila, 16% pagat e familjarëve dhe 12% e totalit të të ardhurave rrjedhin nga interesat bankare.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Nga kontrolli aritmetik/logjik për 16 vite të deklarimit, asnjë prej deklaratave nuk rezultoi me probleme.
Deklarata e pasurisë së vitit 2003
Deklarata e pasurisë së vitit 2004
Deklarata e pasurisë së vitit 2005
Deklarata e pasurisë së vitit 2006
Deklarata e pasurisë së vitit 2007
Deklarata e pasurisë së vitit 2008
Deklarata e pasurisë së vitit 2009
Deklarata e pasurisë së vitit 2010
Deklarata e pasurisë së vitit 2011
Deklarata e pasurisë së vitit 2012
Deklarata e pasurisë së vitit 2013
Deklarata e pasurisë së vitit 2014
Deklarata e pasurisë së vitit 2015
Deklarata e pasurisë së vitit 2016
Deklarata e pasurisë së vitit 2017
Deklarata e pasurisë së vitit 2018
Deklarata e pasurisë së vitit 2019
Për më shumë dokumente vizitoni databazën tonë dokumente.reporter.al
